शेतकऱ्यांसाठी जाहीर करण्यात आलेल्या पाच हजार रुपयांच्या अग्रीम मदतीपैकी आतापर्यंत ३ लाख ४७ हजार शेतकऱ्यांच्या बँक खात्यावर ही रक्कम जमा झाली आहे. मात्र, अद्यापही अनेक शेतकरी या मदतीपासून वंचित आहेत. काही शेतकऱ्यांच्या बँक खात्यातील तांत्रिक अडचणी, तर काहींची केवायसी प्रक्रिया अपूर्ण असल्यामुळे मदतीची रक्कम खात्यावर जमा झालेली नाही.विशेष म्हणजे, दिवाळीचा सण संपला, तरी शेतकऱ्यांची अग्रीम मदतीची प्रतीक्षा संपलेली नाही. सणासुदीच्या काळात आर्थिक मदतीची अपेक्षा असलेल्या शेतकऱ्यांच्या पदरी निराशाच पडली आहे.