રાજકોટ શહેરની ભાગોળે આવેલા રાજકોટ-સરધાર હાઈવે પર વધુ એક જીવલેણ અકસ્માતની ઘટના સામે આવી છે. સરધાર રોડ પર આવેલી આશીર્વાદ રેસિડેન્સી નજીક બે કાર વચ્ચે સામસામે જોરદાર ટક્કર થતા એક વ્યક્તિનું કરુણ મોત નિપજ્યું છે, જ્યારે અન્ય મુસાફરોને ગંભીર ઈજાઓ પહોંચી છે. આ ગમખ્વાર અકસ્માતને પગલે હાઈવે પર થોડા સમય માટે ટ્રાફિકજામના દ્રશ્યો સર્જાયા હતા અને લોકોના ટોળેટોળા ઘટનાસ્થળે એકઠા થઈ ગયા હતા.