పల్నాడు జిల్లా సత్తెనపల్లి మండలం రామకృష్ణాపురంలోని బాలికల గురుకుల పాఠశాలలో వింత ఘటన కలకలం రేపుతోంది. రాత్రి నిద్రపోయిన పది మంది విద్యార్థినుల జడలు ఉదయం కత్తిరించి కనిపించాయి. గత వారం రోజులుగా ఇలాంటి ఘటనలు జరుగుతున్నాయని తల్లిదండ్రులు ఆరోపిస్తున్నారు. విద్యార్థినులే ఒకరి జుట్టును మరొకరు కత్తిరించుకున్నారని ప్రధానోపాధ్యాయురాలు చెబుతుండగా, పోలీసులు విచారణ చేపట్టారు. పల్నాడు జిల్లాలోని ఓ బాలికల గురుకుల పాఠశాలలో వింత ఘటన కలకలం రేపుతోంది. రాత్రి ప్రశాంతంగా నిద్రపోతున్న బాలికలకు ఉదయం లేచేసరికి షాక్ తగులుతోంది. ఎందుకంటే రాత్రి పడుకునేటప్పుడు చక్కగా ఉన్న జడలు.. ఏకంగా పది మంది విద్యార్థినుల జడలు కత్తిరించి కనిపించాయి.