Sekhar Master: టాలీవుడ్ ప్రముఖ డ్యాన్స్ కొరియోగ్రాఫర్ శేఖర్ మాస్టర్ (Sekhar Master) ప్రయాణిస్తున్న కారు రోడ్డు ప్రమాదానికి గురైంది. నవంబర్ 11 రాత్రి శంషాబాద్ పరిధిలోని కొల్లూరు జంక్షన్ వద్ద ఈ ఘటన చోటుచేసుకుంది. ఒక సినిమాకు సంబంధించిన పాట చిత్రీకరణను ముగించుకుని తిరిగి ఇంటికి బయలుదేరిన సమయంలో ఈ ప్రమాదం జరిగింది. వివరాల్లోకి వెళితే, శేఖర్ మాస్టర్ తన ఇన్నోవా కారులో మరో డ్యాన్స్ మాస్టర్, డ్రైవర్తో కలిసి ప్రయాణిస్తున్నారు. కొల్లూరు వైపు నుంచి వస్తున్న వీరి ఇన్నోవా కారు, ముందు వెళ్తున్న బొలెరో వాహనాన్ని ఢీకొట్టింది.