દિવાળીના તહેવારો અને મીની વેકેશનનો માહોલ જામ્યો છે ત્યારે ગુજરાતના જાણીતા પ્રવાસન અને યાત્રાધામોમાં પ્રવાસીઓનો ભારે ધસારો જોવા મળી રહ્યો છે. સંઘપ્રદેશ દીવથી લઈને યાત્રાધામ દ્વારકા અને પ્રથમ જ્યોતિર્લિંગ સોમનાથ સુધી દેશભરમાંથી હજારોની સંખ્યામાં પ્રવાસીઓ અને શ્રદ્ધાળુઓ ઉમટી પડ્યા છે. હોટલો, રિસોર્ટ, બજારો અને પાર્કિંગ સ્થળો પ્રવાસીઓથી ઉભરાઈ રહ્યાં છે. દીવ ફરી એકવાર સહેલાણીઓનું હોટ ફેવરિટ ડેસ્ટિનેશન દિવાળીના મીની વેકેશનમાં સંઘપ્રદેશ દીવ ફરી એકવાર સહેલાણીઓનું હોટ ફેવરિટ ડેસ્ટિનેશન બન્યું છે.