Ahmedabad: સ્વચ્છતાના ક્ષેત્રે અમદાવાદે દેશભરમાં પ્રથમ સ્થાન મેળવીને ગુજરાતનું ગૌરવ વધાર્યું છે. નવી દિલ્હી ખાતે સ્વચ્છ ભારત મિશન અંતર્ગત સ્વચ્છ સર્વેક્ષણ 2025-26નો એવોર્ડ સમારોહ યોજાયો હતો. જેમાં રાષ્ટ્રપતિ દ્રૌપદી મુર્મુના હસ્તે સ્વચ્છ સર્વેક્ષણમાં ઉત્કૃષ્ટ કામગીરી કરનાર શહેરોને સન્માનિત કરવામાં આવ્યા હતા. મહત્વની વાત છે કે આ સર્વેક્ષણમાં અમદાવાદ પ્રથમ સ્થાને આવ્યું છે. અમદાવાદ મહાનગરપાલિકાને મળેલા આમંત્રણ બાદ મનપાના પદાધિકારીઓ અને ઉચ્ચ અધિકારીઓ દિલ્હી પહોંચ્યા હતા.