பழனி முருகன் கோவிலில் நிகழும் பராபவ ஆண்டு கந்த சஷ்டித் திருவிழா நேற்று முறைப்படி தொடங்கி நடைபெற்று வருகிறது. கந்த சஷ்டி இரண்டாம் நாள் மற்றும் சுபமுகூர்த்த நன்னாளான இன்று முருக பெருமானின் மூன்றாம் படைவீடான பழனி திருஆவினன்குடியில் அலைமோதிய பக்தர்கள் கூட்டம்! ஒரே நாளில் 60-க்கும் மேற்பட்ட திருமணங்கள், 85-க்கும் மேற்பட்ட காதுகுத்து வைபவங்கள் கோலாகலமாக இருந்தது பழனி மலையடிவாரம். அறுபடை வீடுகளில் மூன்றாம் படைவீடாகப் போற்றப்படும் பழனி அடிவாரம் அருள்மிகு திருஆவினன்குடி குழந்தை வேலாயுத சுவாமி திருக்கோயில், ஆன்மிக வழிபாட்டிற்கும் மங்களகரமான சுபநிகழ்ச்சிகளுக்கும் மிகவும் பிரசித்தி பெற்ற தலமாகும்.