அமெரிக்கத் தாக்குதலில் கொல்லப்பட்ட மூன்று இந்திய மாலுமிகள் குறித்து இந்தியாவில் கடுமையான விவாதம் நடந்து வருகிறது. மேலும், "இந்தஅமெரிக்கா தான் இந்தியாவின் மூலோபாய பங்காளியா?" என்று மக்கள் கேள்வி எழுப்பி வருகின்றனர். இந்த விவகாரத்தில் எதிர்க்கட்சிகளையும் விமர்சகர்களையும் திருப்திப்படுத்துவது மோதி அரசுக்கு எளிதானதல்ல. மறுபுறம், சர்வதேச ஊடகங்களிலும் அமெரிக்காவுடனான இந்தியாவின் உறவுகள் குறித்து கேள்விகள் எழுப்பப்பட்டு வருகின்றன. அமெரிக்க ஊடகமான சிஎன்என் தனது செய்தி ஒன்றில், "ஒரு வணிக எண்ணெய் விநியோகக் கப்பல் (டேங்கர்) மீது அமெரிக்கா நடத்திய தாக்குதலில் மூன்று இந்திய மாலுமிகள் உயிரிழந்தது இந்தியாவில் பரவலான கொந்தளிப்பை ஏற்படுத்தியுள்ளது" என்று எழுதியுள்ளது.