પશ્ચિમ બંગાળના કોલકાતામાં નેતાજી સુભાષ ચંદ્ર બોઝ આંતરરાષ્ટ્રીય એરપોર્ટ પર બુધવારે સવારે મુંબઈ જતી એર ઈન્ડિયાની ફ્લાઇટમાં હાઇજેકની ધમકીની જાણ થતાં હોબાળો મચી ગયો હતો. વિમાનના ટોયલેટ મિરર પર ધમકીભર્યો મેસેજ લખેલો મળી આવ્યો હતો. પાયલટે તાત્કાલિક એર ટ્રાફિક કંટ્રોલ (ATC) ને એલર્ટ કર્યા હતા. સુરક્ષા એજન્સીઓ એક્ટિવ થઈ ગઈ હતી. વિમાનને આઇસોલેશન બેમાં ખસેડવામાં આવ્યું અને તેની તપાસ શરૂ કરાઈ હતી.