भोरमध्ये भातशेती संकटात; पावसाअभावी जमिनीला भेगा, हातातोंडाशी आलेलं पीक करपलं. पुण्याच्या भोर तालुक्यात पावसाने दडी मारल्याने भात शेती संकटात सापडली आहे. अनेक आठवड्यांपासून पाऊस नसल्यामुळे भात खाचरातील जमिनीला भेगा पडल्या असून, पिकं सुकायला लागली आहेत. पावसावर पूर्णपणे अवलंबून असलेली भोरची प्रसिद्ध इंद्रायणी भातशेती वाचवण्यासाठी आता पावसाची नितांत गरज आहे.