Mumbai KEM Hospital: के.ई.एम. रुग्णालयाच्या ऑर्थोपेडिक इमारतीची लिफ्ट आठवडाभरापासून बंद; अपंग, फ्रॅक्चरग्रस्त आणि गंभीर रुग्णांचे हाल! देशाची आर्थिक राजधानी असलेल्या रुग्णालयात धक्कादायक प्रकार. रुग्णालयाच्या ऑर्थोपेडिक इमारतीतील लिफ्ट गेल्या आठवडाभरापासून बंद असल्याने रुग्णांचे हाल होत आहेत. फ्रॅक्चरग्रस्त, अपंग, अपघातग्रस्त आणि शस्त्रक्रियेनंतर उपचार घेणाऱ्या रुग्णांना जिन्याने वरच्या मजल्यांवर जावे लागत आहे. काही रुग्णांना व्हीलचेअर आणि स्ट्रेचरच्या मदतीने जिन्यांवरून नेले जात आहे. त्यामुळे रुग्णांच्या सुरक्षिततेचा प्रश्न निर्माण झाला आहे.