డ్రైవర్లు, కండక్టర్ల కొరతను అధిగమించేందుకు అధికారులు ఆపసోపాలు పడుతున్నారు. ఒక్కోసారి సిబ్బంది లేక సర్వీసులను రద్దు చేయాల్సి వస్తోంది. ఈనాడు- అమరావతి: డ్రైవర్లు, కండక్టర్ల కొరతను అధిగమించేందుకు అధికారులు ఆపసోపాలు పడుతున్నారు. ఇలాంటి సమయంలో సిబ్బందిని సద్వినియోగం చేసుకోవటానికి ప్రాధాన్యమివ్వాల్సి ఉండగా.. విజయవాడ జోన్ పరిధిలో మాత్రం భిన్నమైన పరిస్థితి నెలకొంది. కండక్టర్లు, డ్రైవర్లు తదితరులకు అవుటాఫ్ డిజిగ్నేషన్ (ఓడీ) విధులు కేటాయిస్తూ ఎడాపెడా ఆదేశాలిస్తున్నారు. తద్వారా బస్టాండ్లలోని సమాచార కేంద్రాలు, గ్రౌండ్ బుకింగ్లు, తదితరచోట్ల కండక్టర్లు విధులు నిర్వర్తిస్తున్నారు. సిఫార్సులు, ఒత్తిళ్లకు తలొగ్గి విజయవాడ జోన్ పరిధిలో ఓడీ విధులు ఎక్కువ మందికి కేటాయిస్తున్నారు.