ఇది మండల కేంద్రమైన వెంకటాపురంలోని పెరికవీధి అంగన్వాడీ కేంద్రంలో చిన్నారులకు శుద్ధజలం అందించడానికి ఏర్పాటు చేసిన ఆర్వో ప్లాంటు. ఐదు నెలల కిందట బిగించినా విద్యుత్తు కనెక్షన్ లేకపోవడంతో నిరుపయోగంగా మారింది. చిన్నారులు, బాలింతలు, గర్భిణులు 26 మంది లబ్ధిదారులకు సేవలందించే ఈ అంగన్వాడీ కేంద్రంలో తాగునీటి సౌకర్యం లేక సమీపంలోని చేతిపంపు నీళ్లపైనే ఆధారపడాల్సి వస్తోంది. వెంకటాపురం, న్యూస్టుడే: ప్రభుత్వం అంగన్వాడీ కేంద్రాల్లో లబ్ధిదారులైన చిన్నారులు, గర్భిణులు, పిల్లల తల్లులకు శుద్ధజలం అందించాలని పరికరాలు అందిస్తోంది. అధికారుల అనాలోచిత చర్య, ముందుచూపు లేకపోవడంతో అవి నిరుపయోగంగా మారుతున్నాయి.