Cold Wave: తెలంగాణలో పెరుగుతున్న చలి తీవ్రతపై వాతావరణ శాఖ కీలక హెచ్చరిక జారీ చేసింది. Cold Wave: రాష్ట్రంలో చలి తీవ్రత రోజురోజుకూ పెరుగుతోంది. రానున్న మూడు రోజుల పాటు చలి గాలుల తీవ్రత మరింత పెరిగే అవకాశం ఉందని హైదరాబాద్ వాతావరణ కేంద్రం హెచ్చరించింది. రాత్రి వేళల్లో కనిష్ఠ ఉష్ణోగ్రతలు మరింత పడిపోతాయని పేర్కొంటూ రాష్ట్రంలోని 29 జిల్లాలకు ‘పసుపు’ (Yellow Alert) రంగు హెచ్చరికలు జారీ చేసింది.వాతావరణ శాఖ వివరాల ప్రకారం.. జోగులాంబ గద్వాల, ఖమ్మం, సూర్యాపేట, జనగామ మినహా మిగిలిన అన్ని జిల్లాల్లో కనిష్ఠ ఉష్ణోగ్రతలు 15 డిగ్రీల సెల్సియస్ కంటే తక్కువగానే నమోదయ్యే అవకాశాలున్నాయి.