అక్షరధామ్ ఆలయ ప్రాంగణం భక్తిపారవశ్యంతో పులకించిపోయింది. దీపావళి వేడుకల వేళ స్వామినారాయణ్కు అర్పించిన అద్భుత నివేదన భక్తులను కట్టిపడేసింది. సంస్కృతంలో అన్నకూట్ అంటే ఆహార పర్వతం.. ఆ మాటకు నిజమైన రూపం ఇస్తూ ఏకంగా 1,256 రకాల స్వచ్ఛమైన సాత్విక వంటకాలతో భగవంతుడికి మహా నైవేద్యం సమర్పించారు. ఢిల్లీలోని ప్రముఖ ఆధ్యాత్మిక కేంద్రం స్వామినారాయణ్ అక్షరధామ్ ఆలయంలో అన్నకూట ఉత్సవం, శ్రీ గోవర్ధన పూజలు అత్యంత వైభవంగా, భక్తిశ్రద్ధలతో జరిగాయి. దీపావళి వేడుకల అనంతరం నిర్వహించే ఈ విశిష్ట పర్వదినాన్ని పురస్కరించుకుని భగవాన్ స్వామినారాయణ్కు ఏకంగా 1,256 రకాల స్వచ్ఛమైన, సాత్విక వంటకాలతో అన్నకూట భోగ్ సమర్పించారు.