Guntur: గుంటూరు నగరంలో గ్రీన్ కవర్ పెంచేందుకు రూ.5-6 కోట్లతో 40+ కి.మీ. డివైడర్లలో భారీ ప్లాంటేషన్ చేపడుతున్నట్లు నగరపాలక సంస్థ కమిషనర్ కె.మయూర్ అశోక్ తెలిపారు. గుంటూరు: గుంటూరు నగరాన్ని హరితమయంగా, సుందరంగా తీర్చిదిద్దడంతో పాటు గాలి నాణ్యతను పెంచి, నగరానికి జాతీయ స్థాయిలో ప్రత్యేక గుర్తింపు తీసుకురావడమే లక్ష్యంగా గుంటూరు నగరపాలక సంస్థ ఆధ్వర్యంలో బృహత్తర ప్లాంటేషన్ కార్యక్రమం చేపట్టినట్లు కమిషనర్ కె.మయూర్ అశోక్ తెలిపారు. గుంటూరు నగరవ్యాప్తంగా వాతావరణ సమతుల్యత సాధించేందుకు ఈ ప్లాంటేషన్ డ్రైవ్ విశేషంగా దోహదపడుతుందని పేర్కొన్నారు.