भाऊबीजेच्या दिवशी बहिणी आपल्या भावाच्या कपाळावर टिळा लावून त्याच्या दीर्घायुष्याची आणि सुख-समृद्धीची कामना करतात. मात्र, या दिवशी औक्षण करण्यासोबतच भावाला नारळ देण्याची परंपराही पाळली जाते. पण ही प्रथा का आहे आणि त्यामागे कोणती धार्मिक मान्यता आहे, हे तुम्हाला माहीत आहे का? हिंदू धर्मात भाऊबीजेचा सण भाऊ-बहिणीमधील प्रेम, जिव्हाळा आणि विश्वासाचे प्रतीक मानला जातो. हा सण दरवर्षी कार्तिक महिन्यातील शुक्ल पक्षाच्या द्वितीया तिथीला साजरा केला जातो.