मराठी चित्रपटसृष्टीतील लोकप्रिय अभिनेत्रींपैकी एक असलेल्या वर्षा उसगांवकर यांनी त्यांच्या आयुष्यातील अनेक किस्से, घटनांचा उलगडा केला. नुकत्याच दिलेल्या एका मुलाखतीत त्यांनी त्यांचे आई-वडील आणि कुटुंबाबाबत सांगितले. मुलाखतीदरम्यान त्यांनी त्यांच्या आईबद्दल सांगितले की, माझ्या आईला सारखं सारखं मिटींग, कार्यक्रमांमध्ये जावं लागायचं. ती मंत्र्याची बायको, त्यामुळे नेते म्हणा... त्यामुळे आईला नीटनेटकं राहण्याची सवय होती. पुढे वर्षा उसगांवकर म्हणाल्या, मी आईला नटताना, टापटीप राहताना पाहिलंय, त्यामुळे लहानपणापासून मला इच्छा असायची की मी अशी दिसणार.