தமிழகம் முழுவதும் தீபாவளி பண்டிகை வெகு விமரிசையாக நேற்று கொண்டாடப்பட்டது. சிறு வயதினர் முதல் பெரியவர்கள் வரை பட்டாசு வெடித்து தங்கள் சந்தோஷத்தை வெளிப்படுத்தினர். தமிழகத்தில் இரவு 7 மணி முதல் 8 மணி வரை பட்டாசு வெடிக்க அனுமதி அளிக்கப்பட்ட நிலையில், அந்த நேரத்தில் ஒட்டுமொத்தமாக மக்கள் பட்டாசுகளை வெடித்து குவித்தனர். .சென்னையில் இரவு 7 மணி ஆனதும் வானம் வர்ணஜாலமாக மிளிர்ந்தது.அதே நேரம் அதிகம் பேர் பட்டாசு வெடித்ததால் சென்னை நகரில் புகை மூட்டம் நிலவியது. பட்டாசு வெடித்ததால், நகர் முழுக்கவே புகைமூட்டமாக காட்சி அளித்தது. இதனால், வாகன ஓட்டிகள் கடும் சிரமத்திற்கு உள்ளாகினர்.