రోజూ నిమ్మరసం తాగడం వల్ల శరీరానికి విటమిన్ సి, యాంటీఆక్సిడెంట్లు అందుతాయి. రోగనిరోధక వ్యవస్థ, చర్మ ఆరోగ్యం, జీర్ణక్రియకు ఇది తోడ్పడుతుంది. గోరువెచ్చని నీటిలో నిమ్మరసం కలిపి ఉదయాన్నే తీసుకోవడం మంచి అలవాటు. అయితే.. చక్కెర కలపకుండా తీసుకోవాలని నిపుణులు చెబుతున్నారు. నిమ్మరసం అనగానే కేవలం వేసవిలో దాహం తీర్చుకోవడానికి మాత్రమే తాగే పానీయమని చాలామంది భావిస్తారు. కానీ, రోజూ ఒక గ్లాస్ నిమ్మరసం తీసుకోవడం వల్ల శరీరానికి లభించే ఆరోగ్య ప్రయోజనాలు అపారమని వైద్య నిపుణులు స్పష్టం చేస్తున్నారు. నిమ్మరసంలో పుష్కలంగా ఉండే విటమిన్-సి, యాంటీ ఆక్సిడెంట్లు, డిటాక్స్ గుణాలు మన శరీరానికి సహజమైన రక్షణ కవచంలా పనిచేస్తాయి.