గుండెపోటు అనగానే చాలామందికి ముందుగా గుర్తొచ్చేది ఛాతీలో తీవ్రమైన నొప్పి. ఛాతీ పట్టేసినట్లు అనిపించడం, గుండె దగ్గర ఒత్తిడి కలగడం వంటి లక్షణాలు కనిపిస్తే వెంటనే అప్రమత్తమవుతారు. అయితే ప్రతి ఒక్కరిలో గుండెపోటు లక్షణాలు ఒకేలా ఉండవు. కొందరిలో ఛాతీ నొప్పితో పాటు ఇతర శరీర భాగాల్లోనూ అసౌకర్యం కనిపించవచ్చు. ముఖ్యంగా గొంతు, మెడ, దవడ ప్రాంతాల్లో నొప్పి లేదా బిగుతుగా అనిపించడం కూడా గుండెకు సంబంధించిన సమస్యకు హెచ్చరిక కావచ్చు.