ఉమ్మడి పాలమూరు జిల్లాలో అన్నదాతల పరిస్థితి దయనీయంగా మారింది. ఎన్నో ఆశలతో సాగు చేసిన పంటలు నీరు లేక ఎండిపోతుండటంతో రైతులు తీవ్ర ఆవేదన చెందుతున్నారు. పంటలను కాపాడుకునేందుకు ఎన్ని ప్రయత్నాలు చేసినా ఫలితం లేకపోతోంది. దీంతో చేతికొస్తాయనుకున్న పంటలను కళ్లముందే ఎండిపోతుండటంతో చూడలేక.. చివరకు పశువుల మేతకు వదిలేస్తున్నారు. పెట్టిన పెట్టుబడులు తిరిగి రాకపోగా.. అప్పులు ఎలా తీర్చాలో తెలియక అన్నదాతలు ఆందోళన చెందుతున్నారు.